istambay

Tumbok (12Sept05)

Dear Oliver,

Magandang araw po sa inyo! Lately ko lang po
nababasa ang kolum nyo at ako po ay nagkainteres na
humingi po nang tulong sa inyo.Gusto ka po sanang
malaman kung ano po ang masusuwerteng kulay para
umasenso at magkaroon nang magandang kinabukasan. May
anak na po ako at may balak pa lang kaming magpakasal
ng asawa ko. Kasalukuyang wala po akong trabaho at nahihirapan pong
maghanap.May inaplayan na po ako kaso hanggang ngayon
di pa po ako tinatawagan. Palagi naman ang follow-up
ko kaso para pong ang hirap kong magkatrabaho. Ang
birthday ko po ay Dec. 26, 1975. Kung pwede rin po,
sana mabigyan nyo ako ng masusuwerteng numero para
matayaan ko sa lotto atbp. Kailan po kaya ako
makakapag-abroad para sumAgana naman kahit papaano
buhay namin nang mag-ina ko.

Raymond of San Juan, Metro Manila

Dear Raymond,

ITIM at maroon ang mahihiwagang kulay na magagamit mong bertud sa paghatak ng magandang kapalaran. Extreme ang mga magaganap sa iyong buhay. Mga hindi pangkaraniwang pangyayari. Yung bang tipong pang-Guiness book of world records, kakaiba ang iyong lungkot, pero ang lahat ng ito ay mareresolba mo. Disiplina, konsentrasyon at malinaw na plano ang susi sa iyong pag-unlad kasi’y taglay mo ang mahiwagang kulay itim. Kapag hindi ka nagambala ng iyong paligid, makakaangat ka sa pinakamataas na antas ng pananagumpay kabilang ang pagkakaroon mo ng matatag na trabaho at pagtatrabaho sa ibang bansa.Mag-apply ka lang nang mag-apply kasi’y biglang darating ang malaking buwenas. Magaganap ito sa pagsapit ng taong 2006, 2007 at 2010 kung saan matutupad ang marami mong pangarap. Buwenas ka sa mga buwan ng Mayo, Setyembre at Nobyembre lalo na sa mga petsang 4, 8, 18, 20, 24, 26 at 30 partikular kapag natapat sa araw ng Martes at Biyernes.Magsuot ka lagi ng damit na may kombinasyon ng berde, maroon at black tuwing maga-apply ng trabaho. Numero otso (8) at sais (6) ang buwenas mo. Sa jai alai, isama mo ang No.1. Sa lotto, pumulot ka sa 2, 7, 11, 18, 22, 28, 33, 37 at 40. PARA sa masusuwerteng numero: Magic 12: 2-6-11-15-19-23-27-30-34-37-40-42. Triple Number: 4-7-2/ 1-5-8/ 8-2-3/ 2-4-7. 6-digit: 2-1-2-2-6-2/ 1-3-2-7-2-5/ 7-8-2-5-2-1. Bingo Mystery Eight: 4-7-16-34-56-68-70-75. Mapalad ang kuwatro (4) kapag nakamarka sa dilaw at nasa unahan ang otso (8). Okey ang tres (3) kapag nakasulat sa itim at nasa hulihan ang uno (1). Mainam ang siete (7) kapag napagitna sa nuwebe (9) at dos (2).
---30--