red n' gray

Tumbok (18Sept05)

Dear Oliver,
Nais ko pong malaman ang mahiwagang kulay na magagamit kong bertud sa paghatak ng magandang kapalaran at trabaho sa takbo ng aking buhay. Ako po ay palagi na lang malas sa trabahong aking pinapasukan.Pinanganak ako June 9,1970. Magiging maswerte kaya ako sa susunod na trabaho o sa negosyo? Ano kayang negosyo ang swerte sakin? Bigyan moko ng gabay sa pagtatagumpay. Ano ang swerte kong taon,buwan at petsa? Bigyan mo din ako ng buwenas sa numero lalo na sa pagtaya ng lotto.

Warm regards,
Dawn-Makati (gadesopdawn@yahoo.com)

Dear Dawn-Makati,
TAGLAY mo ang mahiwagang kulay pula at abuhin. Ang pula ay nagtutulak sa iyo upang mapagitna sa mga intriga at ang mga sigalot na kinapapalooban mo ang madalas mong ma-misinterpret na isang malas! Madali kang maimpluwensiyahan ng ibang tao kaya’t napupurnada ka at nawawalan ka ng identity na magpapahamak sa iyo at mawawalan ka ng direksiyon. Dapat ay matuto kang magkaroon ng disposisyon at malinaw na malinaw na direksiyon sa buhay. Kapag wala kang espesipikong pangarap at nagpapatangay ka lang sa agos ng buhay—tiyak na bigo at malas ang aabutin mo. Hindi ka dapat magpatumpik- tumpik, kumilos ka at gamitin ang kapangyarihan ng kulay pula at gray. Magdidikit ka sa matatagumpay at malalakas ang loob upang mahawa ka sa kanilang buwenas. Lumayo sa mga bigo, malulungkutin at nagdarahop—matuturuan ka nilang maging duwag, mahina ang loob at katamaran. Magsuot ka lagi ng kulay pula at gray upang mahigop mo ang buwenas. Buwenas ka sa negosyo na may mahigpit na kumpitensiya tulad ng mga seasonal products. May naghihintay sa iyo na magandang kapalaran sa taong 2007, 2010 at 2012 kung saan matutupad ang marami mong pangarap kabilang ang pagkakaroon ng matatag na hanapbuhay. Buwenas ka sa mga buwan ng Mayo, Hulyo at Setyembre lalo na sa mga petsang 3, 8, 11, 18, 23, 27 at 30 partikular kapag natapat sa araw ng Martes at Biyernes. Numero nuwebe (9) at singko (5) ang masusuwerte mong numero.
Sa jai alai, isama mo ang No.1. Sa lotto, pumulot ka sa mga sumusunod: 3-7-11-19-23-28-34-38-40-42. PARA sa masusuwerteng numero; Magic 12: 2-6-11-19-23-25-27-30-34-38-40-42. Triple Number: 3-2-6/ 7-8-3/ 1-2-4/ 7-8-3/ 6-digit: 3-2-3-2-1-2/ 6-7-2-2-3-2/ 1-3-5-2-5-2. Bingo Mystery Eight: 3-7-34-44-56-67-70-73. Mapalad ang sais (6) kapag nakamarka sa itim at nasa unahan ang otso (8). Okey ang singko (5) kapag nakasulat sa dilaw at nasa hulihan ang uno (1). Mainam ang tres (3) kapag napagitna sa siete (7) at dos (2).
----30--