Gray n green

(for TUMBOK, June 3 issue)

Dear Oliver,
REGULAR akong nagbabasa ng kolum mo at nais kong malaman ang mahihiwagang kulay na magagamit kong bertud sa paghatak ng magandang kapalaran at pagbabago sa takbo ng aking buhay. December 14, 1988 ang birthday ko. Bigyan mo rin ako ng buwenas na numero sa lotto at suwertres. Ano ba ang masusuwerte kong taon, buwan at petsa?

AXES (axes@yahoo.com)

Dear Axes,
GRAY at green ang mahihiwagang kulay na magagamit mong bertud sa paghatak ng magandang kapalaran at pagbabago sa takbo ng iyong buhay. Buwenas ka sa lahat ng klase ng paglalakbay. Mabibilis na pagbabago ang magaganap sa iyo kaya’t mahalagang matuto kang magdesisyon nang agaran at tumpak. Buwenas ka sa negosyo na mabibilis na umiikot ang puhunan tulad ng simpleng pagtitinda sa bangketa o paglalako ng mga produkto. Mag-alaga ka ng halaman na may berdeng berdeng dahon ay may kulay abuhin na bulaklak. May naghihintay sa iyo na magandang kapalaran sa taong 2009, 2012 at 2014 kung saan matutupad ang marami mong pangarap kabilang ang pagkakaroon ng matatag na hanapbuhay at negosyo. Buwenas ka sa mga buwan ng Abril, Hulyo at Nobyembre lalo na sa mga petsang 3, 8, 12, 16, 23, 26 at 30 partikular kapag natapat sa araw ng Huwebes at Sabado. Numero singko (5) at siete (7) ang buwenas mo. Sa suertres, isama mo ang No.4. Sa lotto, pumulot ka sa mga sumusunod: 1-6-11-19-23-25-34-38-40-42. PARA sa masusuwerteng numero; Magic 12: 1-5-11-18-22-26-27-30-33-36-40-42. Triple Number; 4-3-7/ 9-1-2/ 8-2-1.6-digit; 5-6-2-2-1-2/ 8-2-1-5-2-1/ 7-8-2-2-1-2. Bingo Mystery Eight: 3-16-33-45-57-66-70-75. Mapalad ang otso (8) kapag nakamarka sa green at nasa hulihan ang singko (5). Okey ang tres (3) kapag nakasulat sa yellow at nasa unahan ang nuwebe (9). Mainam ang kuwatro (4) kapag napagitna sa siete (7) at dos (2).
----30--